CAR Sarea (Sareko Komunikazio Alternatiboa) 2011n sortutako plataforma bat da. Hedapen-espazio alternatibo berriak sortzeko sortu zen, mota guztietako monopolio eta zentsurekin apurtzeko eta, aldi berean, mundu osoko ikus-entzunezko lan sozialak bultzatzeko. Halaber, nazioartean mugitzeko aukera gutxi duten lanak esagutzera eman edo internazionalki mugitzeko aukera gutxi duten gai edo esperientziak lantzen dituzten lanei aukera ematea bilatzen ditu.
CAR sarean parte hartzen duten pertsona eta erakundeen artean Kuba, Egipto, El Salvador, Estatu Batuak, Euskadi, Niger, Nikaragua, Mexiko, Senegal eta, guztira, 30 herrialdetako ordezkariak daude.
2012an onartutako CAR Sarearen eraketa-estatutuetan adierazitakoaren arabera, honako hauek dira haren ekintzen artean:
- Genero berdintasunarekin, kulturartekotasunarekin, garapen iraunkorrarekin eta giza eskubideekin zerikusia duten gai sozialei buruzko dokumental eta fikziozko film luze eta laburren artxiboa sortzea.
- Sareko kideen datu-basea sortzea, materialen, esperientzien eta ezagutzen trukea sustatzeko. Interesa dutenek CAReko profesionalengana jo ahal izatea hitzaldiak, solasaldiak, zinemako erakustaldiak, materialen mailegua, etab. egiteko.
- Zinemaldiak antolatzen dituzten pertsonak harremanetan jartzea KCD GGKErekin, eta etorkizunean haiekin harremanak izatea espero duten pertsonekin, haien lanak ahalik eta espazio gehienetan erakusteko.
- Sareko kideen arteko topaketak erraztea, jarduerak eta helburuak bateratzeko.
CAR sareak mundu osoko zinemaldia proiektatzen laguntzen du, bertan parte hartzen baitute Afrika, Amerika, Asia eta Europako pertsona eta organismoek –bere gune aktiboenean– eta, oro har, mundu osoko pertsonek. CAR sareak lorpen interesgarriak lortu ditu zinema sozialeko ikus-entzunezko lanen dibulgazioari dagokionez, bereziki emakumeek egindakoak, eta hainbat kideren arteko lankidetza-loturak sortzeari dagokionez.
